नेपाल एकटा बहु-भासिक, बहु-जाइत, बहु-धार्मिक रास्टर् चिए । अत्तेका आदिवासी जनजातिसबमे मध्य-पूर्विया थारू जाइत एकटा चिए । यी देसमे मध्य-पूर्विया थारू जाइत पूर्व झापा से पछिम पर्सा तक रहेछइ । नेपालमे थारूसब अपन मातृभासासे परिचित छइ लेकिन राज्यसे मध्य-पूर्विया थारू जाइतके पहिचान नइ भ्याल्छइ । थारूसबके अपने छुट्टे मातृभासा, कला संस्किर्ती, परम्परा, धर्म, भेसभुसा, रहनसहन, मूल्यमान्याता छइ । मध्य-पूर्विया थारूसबके जनसङ्खया करिब १,५३०,००० से बेसी रहल्छइ से अनुमान छइ ।
