भौगोलिक अवस्‌था

नेपालके उतरमे चिनके तिब्‌बत सँगे पूर्‌व, पछिम ,दक्‌छिन्‌मे भारत सँगे सिमाना जोरल एकटा भू-परिवेस्‌ठित देस चिए । जय मध्‌ये नेपाममे मध्‌य-पूर्‌विया थारूसबके मुख्‌य रहेबला ठामसब पर्‌सा, बारा, रौतहट , सर्‌लाही, मोहत्‌री, धनुसा, सिरहा, सप्‌तरी, उदयपुर, सुनसरी, मोरङ्‍ग, झापा जिल्‌लामे रहेते आबे छइ । पूर्‌व मेची से लेके पछिम नारायणी तक दक्‌छिन्‌मे भारतके सिमाना उतरमे नेपालके चुरे ‌छेतर्‌ तक मध्‌य-पूर्‌विया थारूसबके बस्‌ती छइ । नेपलाके ९०६९ वर्‌ग कि.मी. छेतर्‌मे थारुसब छइ । नेपलाके दक्‌छिन्‌ दिसामे भेलहा छतर्‌ समुन्‌दर्‌ सतह से लगभग ५६ से ६०० मिटर छइ । नेपालके छेतर्‌ फल अनुसार करिब १७ पर्‌तिसतमे १४ पर्‌तिसत थारुसब रहेछइ । सहरी छेतर्‌मे गाडीके सुबिधा भेलहा ठाम तक पुगेले ४-५ घन्‌टा लइरते जाइले या कोनो गाम पुगेले १५ मिनेट से ३ घन्‌टा तक लागे छइ ।

थारूसबके बस्‌तीमे पार्‌य: पार्‌थमिक से माध्‌यमिक विद्‌यलयसब छइ । ओत पुगेले गाम बाटे लइरते जाइले ५ - ७:३० मिनेट तक त कोनो गाम बाटे १५ मिनेट से ३० मिनेट तक लइर्‌ते परै छइ । तराइ छेतर्‌ भेलाके कारण पार्‌य चारू काते समथर जमिनके कारन्‌से गाम घर सब लगे लगेमे छइ । उच्‌च माध्‌यमिक विद्‌यलय पुगेले १० मिनेट से २ घन्‌टा लइर्‌ते जा परे छइ या कोइ कोइ त कोठा लाके रहे छइ । वोहा कारनसे थारूसब कोनो ठाममे बेसी त कोनो ठाममे कम मातर्‌मे उचित सिक्‌छा हासिल कारेबला भेटल् ।